Shillong: Ka ribaibal ka la wan ktah biang ha ka Balang Khliehumstem, Ri Bhoi hadien kumba 19 snem kata.
Ka Balang Presbyterian Khliehumstem ka la ioh mad ia kane ka jingwan ka ribaibal naduh kane ka taiew ba la dep, ha kaba u mynsiem bakhuid ula wan ban ktah ia ki mynsiem ba kordor khamtam ia ki samla, ki hep barit ha katei ka Balang.
La sakhi ba ha ka janmiet ka sngi Saitjain, ba ka ribaibal ka la ktah shem mynsiem ia ki dkhot ka Balang khamtam ki samla, ki khynnah hapoh ka ïing mane.
U Secretary ka Balang Presbyterian Khliehumstem, u bah Pailin Teron ula ong ba naduh ka jingwan ka ribaibal ha u snem 2006, ka Balang Presbyterian Khliehumstem ka ju pyllong jingiaseng ribaibal man ka sngi khlem sangeh haduh mynta ka kynti.
U la ong ba ka jingwan u mynsiem bakhuid ka dei kaba khrawtam bad ka jingkyrkhuh ia ka Balang ban wanrah ka jingsuk ha ka longïing longsem, ha ka shnong ka thaw, ka Balang bad kumjuh ha ka Balang.
Na ka liang ka Balang Khliehumstem, kan pyllong ia ka jingiaseng kyrpang ha ka 14 tarik Nailur ban wan halor kane.
Wan iuhkjat biang ka Ribaibal ha Balang Khliehumstem, ktah jur ia ki khynnah, samla
