Shillong: Ka sorkar jylla ka la pynbna paidbah ba la thaw ia ka Umtyngar Police Station kaban pyniakhlad ia ka Sohra, Pynursla, Mawngap bad ka Madanriting Police Station.
Ha ka jingpynbna ha ka 7 tarik Nailar, 2025, ka kyrwoh na ka sorkar jylla ka la ong ba na bynta ka jingbit jingbiang bad ka jingsynshar kaba kham bha, ka sorkar Meghalaya ka la pynbna ia ka jingthaw ia ka Police Station thymmai ha Umtyngar, East Khasi Hills.
Ia kane ka Police Station, yn tip kum ka Umtyngar Police Station. Halor ka jingthaw ia ka Umtyngar Police Station, ki jaka kiba hap hapoh u pud u sam jongka Sohra Police Station kin lait noh syndon.
Ki pud ki sam jongka Umtyngar Police Station kin dei ka Mawngap Outpost shatei, ka Madanriting Police Station sha mihngi, ka Pynursla Police Station shathie bad ka Sohra Police Station sha sepngi.
Thaw ka sorkar ia ka Umtyngar Police Station ban shakri kham bha ia ki paidbah
