Shillong: Ka sorkar jylla mynta ka sngi ka la wanrah ia ka polisi ha kaba iadei bad kito kiba kwah ban kamai bad ai wai ia ki ar shaka bad ki kali sha ki briew bad ki tourist.
Naduh mynta ki riew shimet kim lah shuh ban shu ai wai ne kamai ia ki ar shaka ne ki kali katba ki kwah hynrei ki hap ban rejister ha ka tnad Transport lada ki leh ia kane ka kam.
Ka jingialang ka kynhun myntri ne cabinet mynta ka sngi, ka la shim ia kane ka rai ban tehlakam ia ka jingkamai bad ka jingaiwai pathar ki riew shimet ia ki ar shaka bad ki kali ha ki nongwankai ne ki tourist bad sha ki riew paidbah.
U myntri rangbah ka jylla u Conrad K Sangma ula ong ba lyngba ka Regulating Tourist Vehicle Rentals, kino kino kiba ai wai ia ki kali shimet ne ki ar shaka ruh sha ki nongwankai ki dei ban register ha ka tnad Transport bad kane ka long ban wanrah ia ka jingshngain ia ki nongwankai kiba shim wai bad ban wanrah ia ka jinglong ryntih.
Kiba kwah pynkamai ar shaka, kali hap register ha ka tnad Transport
