Shillong: Ka Sur Paidbah South West Khasi Hills ka la ai dorkhas ha u Myntri Rangbah ka jylla u Conrad K Sangma ban shna surok kaba bha ha ki bynta ka South West Khasi Hills District ban mih sha kiwei ki district kum sha Eastern West Khasi Hills.
U MLA ka Mawkyrwat u bah Renikton L Tongkhar ula iathuh ba ha ka jingkynduh mynta ka sngi, la pynsngew ha u myntri rangbah ia ka jingdonkam kaba kongsan ban shna ia lai tylli ki surok kiba kynthup ia kawei na Rangdkhiew sha Marngor, kawei pat na Jashiar-Sngimawlein-Sohma sha Rngikseh shaduh Kynshi, bad na Pyndendiwah sha Laitnongrim ban mih sha Shyrwat.
Katkum ka jingong u bah Renikton, u Myntri Rangbah u sngewthuh bha ia ka jingdonkam kine ki surok bad kyrmen ba ka kam kan sa sdang ha kine ki bnai la kumno kumno mynta u snem.
Donkam surok na Rangdkhiew -Marngor, Jashiar-Sngimawlein-Sohma-Rngikseh-Kynshi, Pyndendiwah- Laitnongrim- Shyrwat
