Shillong: Kumba shem jingeh ia u bah Ronnie V Lyngdoh u MLA ka Mylliem bad ki nongialam ban shim ia ka rai ban rung sha ka NPP, ka long kumjuh ruh ia bah Hamlet ban pdiang ia u bah Ronnie.
Ia kane la ong u myntri rangbah u Conrad K Sangma uba dei ruh u President ka NPP, haba pdiang ia u bah Ronnie sha ka NPP ha ka jingialang kaba long ha ka 5 tarik Nailar 2025.
U Conrad u la ong ba u bah Hamlet ula sngewkhia ia kane hynrei hadien ka jingiasyllok bad ki nongialam ka NPP Mylliem, ula pyrkhat ia ka dur kaba kham heh bad kaba kham jngai bad u la rai ban pdiang sngewbha ia u bah Ronnie sha ka NPP.
Ka mynnor ka dei kaba jwat hynrei ka donkam ban iamap bad ia klet na ka bynta ka lawei ban kyntiew ia ka jylla.
Ha kajuh ka por, u Conrad ula kam ba dei tang ka party NPP kaba lah ban shaniah kaban ialam ia ka jylla shakhmat jong ka jingkiew shaphrang.
Ula ong ba ha ka politik ym don nongshun ym don paralok pura hynrei kaba kongsan ka long na ka bynta ki paidbah bad ka jylla bad ula kam ba kumba 95 percent ki nongialam ka Congress na Mylliem kila iakmen ban rung sha ka NPP bad sa 5 percent kin sa wan hadien.
Iatyngkhuh u bah Hamlet bad u bah Ronnie|95 percent ki Congress Mylliem kila iakmen: Conrad
