Shillong: Ki Nongialam jong ka seng Congress mynta ka sngi ki la mih sha khmat ryngkat ki plakad ban pynrem ia ka jingshah kem jong ki ar ngut ki sister ha ka Jylla Chhattisgarh.
U Secretary ka Meghalaya Pradesh Congress Committee u bah Manuel Badwar u la ong ba ka Politic ka la rung ban wanrah ia ka jingiapait iapra bad kane ka long kaei kaei kaba sngewsih ban iohi. Ki sdang da kane ka jingpynpait pynpra khnang ba kin ioh ia ka jingmyntoi ha ka por ilekshon, kane ka la iaid bynta la bun bun snem.
U la bynrap da kaba ong ba ki paralok Hindu kiba sah ha Meghalaya ki im ha ka jingsuk jingsain hynrei ha ki wei ki jylla ki sdang da kine ki kam ban wan rah ia ka jingtieng ia ki rit paid.
Ka jingmih ban rah Placard jong ka Congress kam dei tang namar kane ka jingjia kaba dang jia shen hynrei ka dei kaba la ju jia na ka por sha ka por. Hangne ha Meghalaya wat la ki pynlong ia ka jingiaid paidbah ne ki Yatra kam don kano kano ka jingkhanglad namar ki thrang ban don kata ka jingiatylli.
Kiwei kiba kren ki kynthup u Samla Banphira Basaiawmoit uba la ther da kaba tyngeh ia ka sorkar BJP kaba thmu ban pyntroin bad pyntieng ia ki rit paid ha kane ka ri. U la ong ba hangne ha Meghalaya ka jingmane blei ka long kaba laitluid wat lada kiba synshar ha khlieh duh ki isih.
Rah plakad ka Congress ba shah kem ki sister ha Chhattisgarh
