Shillong: Ka EC ka Khasi Hills Autonomous Distriict Council mynta ka sngi ka la hiar jurip ia ka Iewdielang ha Iewduh ban sngewthuh ia ki daw tynrai bad ki jingeh kaba ki nongrep ki iakynduh.
Ha kane ka jingjurip la ialam da u CEM ka KHADc u bah Shemborlang Rynjah uba khmih ruh ia ka tnad ka iew ka hat, ki EM nalor ki MDc.
Haba kren sha ki lad pathai khubor, u CeM ka khadc u bah Shemborlang Rynjah ula ong ba shen ha kine ki khyndiat sngi un sa lum ia ka jingialang bad ki nongrep ban sngwwthuh ia ka jingangnud na bynta ban pynbha ia kaei kaba ki kwah.
Na ka liang u EM u bah Powell Sohklet ula ong ba ha ka jingjurip jong ki, la lap ba ki nongrep ki ud haba iadei bad ka jingshah ot kilo ki marrep ba pyut kum u sohsaw u Kubi.
Katkum ka jingong u EM, ula ong ba ha ka jingiakren bad ki nongrep ki la pynpaw ba ka don ka jingshah ot kilo ia ka kriah bad kymjuh ia u marrep.
” Hangne ha iew don ki briew kiba sngwwthuh bad don kiba shim kabu, ” ong u bah Powell.
Halor kane la jingeh ki nongrep, na ka liang ka Council kam lah ban kular ban pynduh noh ia ka jingot kilo hynrei kan sa shong pyrkhat bha bad leh bniah.
” Ngin sa lum ka jingialang bad ki nongrep bad ngin sa shong pyrkhat sani bha, ym ban shu shim ia ka rai ba kyrkieh,” ula bynrap.
Hiar Iewduh ka EC ka KHADC ban wad jingtip ia ki jingeh ki nongrep
