Ka karkhana jain jong ka ri kaba shongdor kumba US $ 176 billion, ka nohsynniang jan 2 per cent sha ka Gross Domestic Product jong ka ri bad kalong kumba 11 per cent ka jinglah pynmih jain. Ka karkhana jain kalong ruh kawei na ki tyllong ba kongsan tam ha ka jingpynmih ki lad ioh kam ha ka ri kaba ai kam palat 45 million ki nongtrei ha kane ka kam. Ka India ka wan ba hynriew ha ka kam shalan jain bad ka don ka bynta kumba 4 per cent ka khaii pateng kylleng ka ri ha kaba iadei bad kane ka kam. Ka bynta jong ka textile and apparel (T&A) ba kynthup ia ki mar ba shna da ka kti mynta kalong kumba 8 per cent. Kane ka kam ka iahap bad ki sienjam ba kongsan jong ka sorkar kum ka Make in India, Skill India, ka jingpynkupbor ia ki longkmie bad ka jingioh kam ki samla ha ki jaka nongkyndong.
Ka Mang Tyngka ka la pynbna ka jingpynlut pisa kaba T. 5,272 klur na ka bynta ka Tnad Textile jong u snem 2025-26. Kane kalong ka jingkiew kumba 19 percent ia ka mang tyngka jong u snem 2024-25 (T. 4417.03 klur), bad kadei kaba heh tam ha kine ki snem. Ka Mang Tyngka na ka bynta ka skhim Production Linked Investment na ka bynta ka kam jain ka la kiew na ka T. 45 klur (BE) ha u 2025-25 sha ka T. 1148 klur mynta u snem. Ia ka skhim Production-Linked Incentive (PLI) na ka bynta ka kam jain la pyntreikam ban kyntiew ia ka jinglah pynmih jain ka India bad kyntiew ia ka jingshalan lyngba ka jingpynlut pisa ba la mynjur kaba long T. 10,683 klur na ka bynta ka samoi san snem. Ka kynthup ia ki kam kum ka Manmade made Fibre (MMF), ki jain phong MMF bad ki kam teknokal ha kaba iadei bad ki jain, ban iarap ia kine ki kam ba kan kham iar bad lah ban iakhun ha kylleng ka pyrthei ha kaba iadei bad ka jingiaid iew bad ka dor.
Ka Mang Tyngka 2025-26 jong ka sorkar pdeng ka la pynbna ia ka ‘Mission for Cotton Productivity’. Kane ka thong kaba 5 snem kan kyntiew ka jingseisoh bad jingiaineh jong ka kam rep cotton, bad kyntiew ia ki jait cotton extra-long staple. Ia kane ka thong yn pyntreikam lang da ka Tnad Kam rep bad Tnad Textiles.
Ka National Technical Textiles Mission jong ka Tnad Textiles ka phaikhmat ha ka (i) jingwad bniah, jingsaindur thymmai bad ka roi ka par, (ii) ka jingkyntiew bad kyntiew ia ki iew (iii) ka pule puthi bad ka jingpyntbit ia ki sap bad (iv) ka jingkyntiew ia ka jingshalan ha ka technical textile. Ka Mang tyngka ka la bynrap sa artylli ki jait ksai shuttle-less ha ka thup jong ki kor kiba iadei bad ki jain kiba la pyllait pura. Ka khajna ha ki Shuttle less loom Rapier Looms (hapoh 650 meter shi minit) bad Shuttle less loom Air jet Looms (hapoh 1000 meter shi minit) na ka bynta ka jingpyndonkam ha ka karkhana jain la pynduh na ka 7.5% ba ju long mynshuwa.
Ka jingpynbna ia ka mang tyngka kan kyntiew ia ka dor Basic Custom Duty ha kaba iadei bad ki jain ba thain kynthup khyndai tariff line na ka “10% lane 20%” sha ka “20% lane T. 115 shi kilo, kat kaba kham heh” kan pynkhlain ia ka karkhana jain hapoh ri da ka jingtehlakam ia ka jingrung ki mar ba tad dor kiba nabar ka ri. Kane ka sienjam kan pynshlur ka jingpyndonkam ia ki jain ba shna hapoh ri, kyntiew ka jingpyndonkam pura, bad wanrah ia ki jingbei tyngka ha ka jingshna mar hapoh ka ri.
Ka mang tyngka ka la ithuh ia ki MSME kum kawei na ki kor, ba wanrah jingkylla ha ka ioh ka kot. Kane ka la long kaba kongsan ia ka kam kaba iadei bad ki jain, namar kaba bun jong ka jingpynmih jain ha India ka dei da ki MSME kiba don ka bynta kaba 80% ha kane ka kam. Ki kyndon kum ka jingpynthymmai ia ka thup na ka bynta ki MSME lyngba ka jingkyntiew ia ka jingioh ram bad ka jingpynthikna kan iarap ia ki ban kham seisoh namar ka jingbun ka jingpynmih, ka jingkyntiew ia ka teknoloji bad ka jingioh kham suk ia ka pisa. Lyngba ka thup ba la pynthymmai, mynta bun ki unit ba thymmai kin hap hapoh ka MSME.
Ban kyntiew ia ka thong ba la kdew haneng, bad ban kyntiew ia ka kam jain jong ka ri, la pynlong ia ka prokram kaba heh – Bharat Tex 2025 da 11 tylli ki kynhun kiba heh kiba trei ha ki kam kiba iadei bad ki jain bad la kyrshan da ka Tnad Textiles. Ka Bharat Tex 2025 kan long kawei na ki prokram ba heh tam kaba kum kane ha ka pyrthei ha kaba iadei bad ka jingiar ka kam, namar ka wanrah ia baroh kawei ka kam kaba iadei bad ki jain hapoh ka jingkyntiew ia ki kam, naduh ki mar ba donkam ban shna ia ki jain haduh ki jain kiba pynmih ba kynthup ruh ia ki jingdeng, hapoh kawei ka jaka. La tei ha artylli ki phang pdeng jong ka jingiaineh ka kam pynmih jain bad ka jingkhlain ka jingkyntiew ia ki kam – ka prokram ka phaikhmat halor ka jingiaineh, ka jingsaindur thymmai, bad ka jingiatreilang ha kylleng ka ri. Ka prokram ba kongsan kan sdang naduh 14-17 tarik Rymphang, 2025 ha Bharat Mandapam bad kan kynthup baroh ki bynta jong ka kam shna jain naduh ki mar ba donkam ban shna ia ki jain haduh ki jain ba la pynmih, katba ki exhibition ia kum kine ki jingdeng, ki kor kiba iadei bad ka kam shna jain, ki rong bad ki chemical bad ki tiar ba shna da ka kti, kan sdang naduh 12 haduh 15 tarik Rymphang 2025 ha the India Expo Centre bad Mart Greater Noida. Lyngba ka jingdon ka polisi kaba plie lad, yn donkam ia ki sienjam ban pynlong ia ka India Atmanirbhar ha kaba iadei bd ki tiar ba donkam ban pynmih jain, ka jingioh shuh shuh ka jingbei tyngka, ka jingkyntiew ia ka iew hapoh ka ri bad ka jingshalan mar shabar ka ri, bad ka jingsumar bad jingkyntiew ia ka lad jong ka ban plie ki lad kamai jakpoh kiba biang.
(GIRIRAJ SINGH)
MYNTRI BA DEI KHMIH IA KA TNAD TEXTILES