SHILLONG:U MLA ka North Shillong u bah Adelbert Nongrum ula kren da ka ktien Khasi hapoh ka ing dorbar thawain mynta ka sngi, haba shim bynta ha ka jingkren u Lat ka jylla.
Haba shim bynta ha ka jingiatai, u bah Adelbert ula ong ba um iahap ia ka jingkren Hindi u Lat ka jylla bad kumjuh ka jingkhlem pule pynkut ia ka jingkren.
La shah ban kren Khasi ne Garo lada u dkhot ka ïing dorbar u pynkylla sha ka ktien phareng bad sam sha baroh ki dkhot ka ïing dorbar shwa ban kren.
Ula ong ba kam don kano kano ka kyndon ha ka riti synshar ka ri kaba ong ba lah ban kren da ka ktien Hindi hapoh ing dorbar thawain. Ka ktien Hindi bad ka phareng ki dei tang ki official language ha ka ri India.
Ula buh jingkylli, balei ka sorkar India kam thung ia u Lat uba nang ban kren ia ka ktien ba sngewthuh bad u la ong ba ia ka jylla Meghalaya la ialeh haduh ban ioh ia ka, dei lyngba ka jingthmu ban pyntian jubor da ka ktien jong kiwei.
Kren Khasi u bah Adelbert hapoh ïing dorbar ban pynpaw pyrshah ia ka jingkren Hindi u Lat
