SHILLONG: U bah Iskot Kurkalang kurim jong ka kong Sliang Timai Syiem ba shong ba sah ha Pohkseh Shillong Pdengshnong, u la khlad mynta ka sngi ha iing sah jong u ha Pohkseh hadien ba ka jingshitom kala bat ia u katto kane por.
U bah Iskot u dei ruh u kpa jong u bah Pyniaid Sing Syiem, Chief Executive Member jong ka KHADC, uba dei ruh u MDC jong ka Sohryngkham bad u MLA barim ka Mawryngkeng.
Ka jingleit on tep don burom kan long ha ka sngi u Blei kata ka 18/2/2024 ha u Lum jingtep jong ka Balang u Blei ha Lummarboh Nongrah ha ka por 3 baje noh phai sngi.
Nalor u bah Pyniaid, u bah Iskot u la ieh sha dien ia ki khun, u bah Teo sing Syiem, Kong Biang Rimai syiem, Bah Rito Sing syiem, kong Fridian Rimai syiem,kong Sonisha Rimai syiem, Bah Shaphrang sing syiem, kong Mistina Rimai syiem, Bah Tyllilang sing syiem,kong Coreen Rimai syiem.
Ka jingkhlad noh jong u kpa ka iing kala wanrah ia ka jingduh kaba khraw ia ka iing ka sem baroh kawei, ia ka met jong u bah Skot ba juh ia khot ieit la wanrah mynta ka sngi sha Shillong ha pdeng ka jingsngewsih kaba khraw na ki khun, kiba ha iing ha sem baroh.