SHILLONG: Ka jingniah kali kam dei ban sngew bang ban muja hynrei ka don ka jingkitkhlieh kaba khraw ym tang ia uba niah hynrei ia kiba shong kali bad kiba iaid ba ieng. Kane ka dei ka khubor na ka jingrakhe ia ka national road safety week ne ka taiew ka jingshngain ha surok kaba la pyllong ka ophis u District Transport Officer (DTO) ka East Khasi Hills ryngkat ka bor distruct bad ka tnad pulit mynta ka 14 tarik Rymphang 2024.
Ha kane ka jingrakhe, kaba long ha jaka ieng kali pyrshah ka SBI Main Branch, Shillong, la don ka Deputy Commissioner ka East Khasi kong Rosette Mary Kurbah, u SP (Traffic) u Kamakhya Prasad nalor u DTO bad ki nongniah kali, kiba la bam smai ruh ban niah ia da ka jingkitkhlieh.
Haba kren ha ka jingrakhe, ka DC ka la ong ba ka jingim ka long kaba kordor bha bad ym dei ban lehkai ia ka. Ka la ong ba haba pyndep ia ka hok, ka donkam ruh ban pyndep ia ka kamram da ka jingkitkhlieh.
Katba u SP u Kamakhya u la ong b aka jingdih buaid bad ka jingniah kali ka long kaba mynsaw bad pyrshah ia ka ain bad ki kmie ki kpa kiba ai shabi ia ki khun ki dei ban tip ba ki dei ban long kiba la biang ka rta namar ba ha ka ain lada jia eiei, kin shah ngat lang. U la kyntu ia ki nongniah kali ban long kiba disiplin.
Ha kane ka sngi, na ka jingleh test ki doktor, la lap ia kiba bun ki nongniah kali kiba don ka jingshitom, ka jingbym biang ka bor iohi. Ha ka kam niah kali, dei tang kiba biang ka jingkoit jingkhiah ki lah ban niah.
Ka kam niah kali kam dei ban sngew bang hynrei ka jingkitkhlieh kaba khia
