SHILLONG: U nongialam ka NPP uba dei ruh u MLA barim ka Sohiong ubah Samlin Malngiang u la ong, mynta ka 7 tarik Rymphang 2024 u la ong ba ki paidbah kim dei ban ngeit than ia ki social media kiba ialam bakla.
Ula ong ba ka social media ka long kum ki cinema hyndai, lada shad u aktor ba triem bha, shu ia pynbud lang ia ki, hynrei kam itynnad.
U bah Samlin u la ong ba ha ka elekshon MLA ka jingialehkai ka long para marwei hapdeng ka UDP bad ka NPP hynrei ha kane ka MP elekshon, bun kiba ialeh bad ka 13 hajar vote ka NPP ha Sohiong kan tylli ban tam katba kiwei kin sa pra.
Ula ther ruh ia kiwei ki party ba shu heh tang ka jinghylla, khlem ki kam. U la ong ba ka daw ba shah rem u kyrtong ka UDP ha ka elekshon 2019 ha ka Congress ka dei namar ba um ju biang por.
Ula kyntu ia ki nongtrei ka NPP ban long kiba trei shitom khlem jingtieng jingsmiej ban pynjop ia ka kong Ampareen Lyngdoh kum ka MP na Shillong Parliamentary Constituency, ban long ka longkmie ban iasaid ia ka jaitbynriew.
Ka Social media ka long kum ka Cinema hyndai, wat ju ngeit than, ong bah Samlin
