SHILLONG: Ka myntri sorkar jylla kaba dei ruh ka kyrtong MP ka NPP na Shillong Parliamentary Constituency ka kong Ampareen Lyngdoh ka la ong ba ha ka kam shakri paidbah, kampher lada dei ba kan khie 1baje mynstep ban niah kali ban leit buh met iap namar ba kam shim halade kum ka kynthei ne shynrang haba ka kam ka dawa.
Haba kren mynta ka 31 tarik Kyllalyngkot 2024 ha ka jingialang iasyllok ka NPP bad ki nongialam ka NPP Umsning Block ha Lad Sharai, ka kong Ampareen ka la ong ba ki nongkyrshan jong ka East Shillong kim ju ong ia ka kong Ampareen, ki ong beit ka madam, namar ba ka trei ia ka kam shynrang kam kynthei ruh. Ka la ong ba lada ki ong ia ka ban khie 1 baje mynstep ban leit niah ia kali kit nongpang, kan khie ban niah hi, ym don kynthei ym don shynrang.
Ka jingioh MP kynthei kan long ka jingkyrkhu bad ka pynshlur ia ki longkmie ban iakhun ia ka elekshon. Ka la ong ba lada ka jop ia ka MP, ia ka kam MLA na konstitwensi jongka, ka la rai ban pyniakhun da ka kynthei bad ym shah ia ki shynrang.
Da dei 1baje mynmiet ngan khie ban niah kali haba donkam: Ampareen
