SHILLONG: Ki shu kwah kynthoh ia ka NPP, ngi don ban pynshai: Gavin
Mynta ka 29 tarik Kyllalyngkot 2024, u President ka NPP East Khasi Hills uba dei ruh u MLA ka Sohra u bah Gavin M Mylliemngap u la ong ba kiba pyrshah ia ka NPP, ki shu kwah ban kynthoh shi kynthoh tang namar ba ki kwah ban kynthoh, hynrei ka party kaba ialam ia ka sorkar ka don ban pynshai ia ki paidbah.
Haba kren sha ki lad pathai khubor, u bah Gavin u la ong ba ki nongialam ka party kin hiar sha man ki shnong ha kine ki sngi ban pynshai sha ki paidbah ia ki kam jingjop ba ka party ka la leh kum ka sorkar ha kine ki snem ba la leit.
Ha kajuh ka por, u la ong ba ka jingialang ka party mynta ka sngi, ka la rai ban pynkhlain da kaba leit rung sha man ki shnong ki jaka na bynta ban pynkhreh ia ka elekshon MP, bad ban pynthikna ban pynpoi sha ka thong ia ka kyrtong ka kong Ampareen Lyngdoh.
Kiba pyrshah ki shu kwah kynthoh ia ka NPP, ong bah Gavin
