SHILLONG: U MLA ka BJP u bah AL Hek mynta ka 29 tarik Kyllalyngkot 2024, u la ong ba ka la ih ka por ia ki paidbah ka Meghalaya ban pdiang ia ka BJP khnang ban urlong ki jingdawa bad ban tuid ki kam pynroi.
U bah Hek u la ong ba ha kane ka kynti kan sa don ka jingkylla kaba jur bha ha ka jylla ha ka BJP kan kiew bha ha ka elekshon MP ban wan, bad ka BJP ka la trei miet bad sngi khlem shongthait ban pynshai ban pynsngewthuh ia ki paidbah ia ki skhim pynroi kiba la wanrah sha ki paidbah naduh ka iing baduk, ka skhim um haduh tynkong iing, ka bording, ka surok, ka skhim nongrep, nalor kiba bun bah kiba la pyntreikam hapoh ka jingialam u myntri rangbahduh ka ri u Narendra Modi.
U la ong ba napdeng ki 3 ngut kiba pan tiket kynthup ma u, bah Ernest Mawrie bad ka Kong Fenela L Nonglait ka party seng kmie kan jied ia uwei uba biang tam.
Ka lyer ka BJP kala nang suhsieng ha Meghalaya
