SHILLONG: Ka bor pyniaid ka jylla ka Meghalaya Public Service Commission (MPSC) kala kum bakla sam ia ka jingkylli ia ka sobjek ia ki samla ba ialeh ia ka eksamin kam Meghalaya Police Service (MPS).
Ha ka jingshisha, mynta ka 22 tarik Kyllalyngkot 2024, ka dei ban ialeh ia ka sobjek General knowledge hynrei la kum sam bakla da ka sobjek English sha kiba ialeh ia ka eksamin.
Hynrei mar mar la pynbeit da kaba sam da kaba dei ban ialeh.
Na ka liang u Chairman ka MPSC u bah PR Marwein ula pdiang ba ka don shisha ka jingbakla ban sam ia ka jingkylli hynrei la pynbeit noh mar mar ia kane. Ha kajuh ka por, ula ong ba ia ka jingkylli kaba dei ban ialeh lashai kata ka English yn sam noh da kawei ka jingkylli bad ia kaba la bakla sam mynta ka sngi yn bret noh.
Ula kyntu ia kiba ialeh ia ka eksamin lashai ka sngi ban ym sngewthuh bakla namar ba ka eksamin kan iaid beit kumba la buh bad kan ym don jingktah satia namar ba yn sam da kawei pat ka jingkylli ba la pynkhreh.
Bakla sam jingkylli ka MPSC ia kiba ialeh eksamin MPS
