SHILLONG: Ka bor synshar district ka East Khasi Hills kala khang pyrshah ban pynlong ia ka jingiakhih ha nongbah Shillong da kaba pynjari da ka kyndon 144 CrPC.
Kane ka jingpynjari ka Deputy commissioner ka long hadien ba ka seng sain pyrthei ka Voice of the People Party (VPP) kala pynkhreh ban shong kyraiñ lashai ka 19 tarik hakhmat ka Main Secretariat ban dawa na ka sorkar jylla ban pynneh biang ia ki ophisar kiba la shah weng na ka Lokayukta.
Ha ka shithi sha ki nongialam ka VPP, ka DC kala ong ba la khang pyrshah ban pynlong ia kano kano ka jingiakhih hapoh ka jingjngai 200 metre na Secretariat.
Kawei pat ka daw ka long ba kan don ka jingialang jong ka North Eastern Council ha Shillong ha kaba ki nongialam jong ki jylla na ka thaiñ shatei lammihngi ka India kin wan ban iashim bynta hapoh ka jingpyniaid u myntri kam pohïing ka ri, u Amit Shah.
Kum ka jylla kaba ieid ia ka shongsuk shongsaiñ, ka jingpynlong ia ka jingiakhih ha kum kane ka por kan phalang da kumwei ia ka jinglong ka jylla, kaban ktah kylla ia ka jylla.
Ym shah pyllong jingiakhih hapoh 200 metre na Secretariat
