SHILLONG: Ka Sorkar India kala pyllait ia ka bynta baar jong ka baibam Post Matric Scholarship kaba kot T. 41.25 klur, ban sam sha ki samla pule Scheduled Tribe ka Jylla Meghalaya na ka bynta u snem 2022-2023.
Ia kane la pyllait ha ka 12 tarik Kyllalyngkot 2024 da ka Ministry of Tribal Affairs (Scholarship Division).
Ka shithi, ka copy bala ioh da ka Shlem, ka dei kaba la phah sha ka Pay & Account Officer jong ka Ministry of Tribal Affairs.
Katkum ka jingong u myntri ka tnad pule puthi ka jylla, u Rakkam A Sangma, ka pisa kan sa rung sha ka Account jong ka Sorkar Meghalaya, ban sam pat sha ki samla pule kaba lah ban long ha ka taiew ban wan.
Kane ka jingpyllait ia ka baibam kan pynphuh mut phuh mat ia ki samla pule kiba la ap slem bha ban ioh ia ka.
Phuh mut ki samla pule ba pyllait baibam ka sorkar pdeng
