SHILLONG: Ka Ri-lum Garo ka la ioh mynta ia ka Raj Bhavan ka ba-ar ha Jylla , kaba la plie paidbah ha ka 12 tarik Kyllalyngkot 2024 da u Lat ka Jylla Phagu Chauhan lyngba ka kor online.
Ka Meghalaya ka don ia ka Raj Bhavan ba la tei naduh ka por jong ka Sorkar Bilat ha sor Shillong bad da kane ka Raj Bhavan ba thymmai, ka Meghalaya kala don ha ka thup ha ryngkat ki katto katne ki Jylla ka Ri, kiba don palat ia kawei ka Raj Bhavan.
Ka jingdon ka Raj Bhavan ha Tura nalor ka Shillong, ka long ba wat ia ka dorbar ruh lah ban pynlong ha Tura. Naduh kham mynshwa, ka la don ka jingpynsngew na ki nongialam na Garo Hills ban pynlong ia ka dorbar tlang ka Meghalaya ha Tura namar ba ka kham syaid.
La sakhi ia kane ka jingplie da u Myntri Rangbah ka Jylla Conrad K Sangma, Lamphang ka Iingdorbar Thomas A Sangma, MP ka Tura Agatha Sangma, Myntri ka Tnad PHE Marcuise N Marak, ka Kmie u CM nalor ki heh ki hain bad ki Ophisar ka District.
Ka Raj Bhavan baar sa ha Tura, la plie mynta
