SHILLONG: Haduh 3000 ngut ki rang bad thei lehkai na kylleng ki District kin wan shim bynta ha ka lympung lehkai jong ka 5th Meghalaya Games 2024 ka ban long ha Tura.
Ha kane ka lympung lehkai, ki nongiashim bynta na East Khasi Hills District ki don haduh 670 ngut baroh ki la pynrung kyrteng haduh ha kane ka Lah sngi u Blei ka 8 tarik Kyllalyngkot, 2024.
Haba kren sha ki lad pathai khubor, u bah John Kharshiing u Working President jong ka Meghalaya State Olympics Association (MSOA), u la ong ba haba nujor ia ki nongshim bynta mynta u snem bad ha u snem 2022 ba long ha nongbah Shillong ka la hiar.
U Bah Kharshiing u la ong ba haduh kane ka Lah sngi u Blei, ki nongshim bynta kiba la pynrung kyrteng ki kham bun hi na East Khasi Hills District ha kaba ki don haduh 670 ngut ki nongialehkai. Katba na kiwei ki District ki don kumba 100 sha ki 200 ngut eiei.
Palat 3 hajar ngut ki nongialehkai ha Meghalaya Games 2023 ha Tura
