SHILLONG: U MLA bad myntri sorkar jylla jong ka BJP u bah AL Hek ha ka 26 tarik Nohprah 2023, ula ong ba ka jinglong kawei ka ri ka la wan dur namar ba baroh ki jaitniam bapher bapher ki burom kawei ia kawei pat.
Haba kren ha ka jingrakhe sngi kha jong u Myntri Rangbahduh barim ka ri u AB Vajpayee ha ophis ka BJP Shillong, u bah Hek ula ong ba ha kane ka Khristmas, ka Ram Krishna Mission ha West Bengal ruh kala rakhe kumba long lem kiwei ki bynta ka ri.
Ula ong ba ka dei kaba iahap tara shisha ia ka jingpynbna ka sorkar India ia kane ka sngi kha u Vajpayee kum ka Good Governance Day ne ka sngi ka jingsynshar kaba bha ha ka ri.
“Lada dei u Khristan, long uba Khristan ba bha, lada dei u Hindu, long u Hindu ba bha, lada dei u Muslim, long u Muslim ba bha”, la pynkynmaw u bah Hek na ka jingkren ka Mother Therisa.
Rakhe ka BJP ha Shillong ia ka sngi jingsynshar kaba bha
