SHILLONG: U bah Paul Lyngdoh mynta ka sngi, u la ong ba ka jingioh tiket u nongialam sengbhalang barim u bah Robertjune Kharjahrin ban iakhun ia ka MP ka long ka lynti ka jingkyrmen bha.
U bah Paul uwei na ki nongialam barim ka KSU, u la ong ba ka UDP ka don 12 ngut ki MLA bad 2 ngut ka HSPDP nalor ki MDC kynthup ha KHADC bad ha JHADC, bad ka jingioh vote ka UDP ha kane ka MLA elekshon ruh ka la kot 2 lak tam. Ka jingdon bun ki seng national party kum ka NPP, BJP, Congres, TMC kan long ka kabu ia ka UDP kaba dei ka seng riewlum kaba heh tam bad ka HSPDP kum ka seng riewlum kaba rim tam kila wan lang ha kajuh ka rynsan.
Lah ban kdew ba ka Regional Democratic Alliance (RDA) kaba kynthup ia ka UDP bad ka HSPDP kila sei ia u bah Robertjune Kharjahrin ban iakhun ia ka MP na Shillong Parliamentary constituency.
Ka jingiatreilang kaba heh tam bad kaba rim tam kan pynjop ia u kyrtong ka RDA
