SHILLONG: U bah Paul Lyngdoh u la ong ba ki briew kiba poi sha ki sengbalang ki dei kiba don ka jinglong nongialam, nangto ki rung sha ki seng samla shnong, sha ki dorbar shnong bad nangta ki jam sha ka sain pyrthei.
Haba kylli halor ka jingai tiket ka Regional Democratic Alliance (RDA) ia u bah Robertjune Kharjahrin uba dei u nongialam barim ka sengbhalang Hynniewtrep Youth Council (HYC), u bah Paul u la ong ba ka dei lynti kaba biang bha.
Ki sengbhalang ki long kum ka rynsan kaba biang tam ban ai ia ka jinghikai ha ka kam nongialam namar ba kylleng ka pyrthei ki briew kiba paw bad khraw ki dei shwa ki nongialam samla u JN Nehru, u Nelson Mandela.
Ki sengbhalang ki dei ka rynsan hikai ia ka kam nongialam, ong bah Paul
