SHILLONG: U Symbud Chief Executive Member ka KHADC u bah Pynshngain N Syiem, u la iathuh ba ka jingpynkhreh jong ki ar tylli ki Regional Committee jong ka jylla Meghalaya bad Assam ban leit jngoh sha ki shnong khappud ka la shu sahkut bad kam shym pat urlong.
Ia kane u Symbud CEM u bah Pynshngain u la iathuh ha ka kynta kylli jingkylli ba la wanrah da u nongialam ka liang pyrshah u bah Titosstarwell Chyne mynta ka sngi ha Dorbar Tlang jong ka KHADC.
“Ki Chairman jong ki Regional Committee Assam bad Meghalaya kiba la iapynbeit ban leit jurip ha ki shnong Khappud, hynrei la pynsahngeh noh shwa bad ka la shu sahteng,” ong u bah Pynshngain.
U Symbud CEM u la ong ba ha ka jingshisha ka Executive Committee ka la pynkhreh ban iamih paidbah ha ka sngi ba wan jurip ka Regional Committee ha ki shnong khappud bad ka jylla Assam, khnang ban pynkhlain ia ka sur jong u paidbah, hynrei kane ka la pulom noh
Dang sahkut ka jingthmu leit peit khappud ka KHADC
