SHILLONG: U nongialam ka Parliamentary Party ka UDP ha KHADC, u Bah Titosstarwell Chyne u la ong ba ki MDC ki la rai ban phah pynshitom ha ki nongialam ka party ia u Bah Lambor Malngiang halor ka jingleit kyrshan jong u ia ka executive committee kaba ialam da ka NPP.
Hynne ka sngi u MDC ka Nongkrem na ka seng UDP u la pynpaw paidbah ban ai jingkyrshan ia ka executive commuttee, wat haba u dang dei u dkhot ba pura jong ka UDP.
Haba kren bad ki lad pathai khubor, u bah Tistos u la iathuh ba tang ar kynta hadien ka jingkhyllem noh ka executive committee ba ialam da ka UDP, la ioh jingtip ba u bah Lambor u la leit ban ai jingkyrshan ia ka executive committee bathymmai, tangba kam shym la paw satia shabar. Hynrei hadien ba la iohi ia kane ka jingleh hynnin ka sngi, ki MDC ki la thoh sha u president bad udei ban shim kam wut wut halor kane ka jingleh u Bah Lambor.
U la ong ba kane ka jingleh ka pyni ba u la shet kylla ia ka party bad ia ki MDC ka UDP. U la ong ba ka jingdawa ka long ban shim kam beit mardor ia u Bah Lambor la ka long ban beh seng syndon lane shipor lane da kiwei pat ki jingpynshitom.
Dawa shim kam u bah Titosstarwell ia u bah Lambor ba kyrshan ia ka NPP
