SHILLONG: Ka kynhun lehkai jong ka Shillong Lajong FC mynta ki don hapdeng ka jingkilan met ha Srinagar na bynta ban leit iakhun pyrshah ia ka Real Kashmir ha ka 16 tarik Nohprah ha ka por 2 baje janmiet ha madan TRC Turf Ground, Srinagar.
Kane ka jinglehkai kan dei ka sien kaba lai ba ka Shillong Lajong kan leit lehkai shabar na la iing Lajong, hadien ka jinglehkai jong ka Mohammedan SC bad ka Rajasthan United ka la iakhaid mar shi kol.
Ka Lajong haduh mynta ka don ha ka kyrdan ba 5 ha ka thup kamai point bad ka la ioh 16 point na ki 9 tylli ki jinglehkai.
Katba ka Real Kashmir mynta ka don ha ka kyrdan ba 3 ha ka thup kamai point bad haduh mynta ka la ioh 17 point na ki 9 tylli ki jinglehkai.
Ka Lajong mynta ka kynti kan iakhun pyrshah ia ka Real Kashmir, watla don katto katne ngut ki rang ialehkai ki bym lah ban shim bynta ha kane ka jingiakhun namar ba ki dang don hapdeng ka jingmynsaw.
Ki rang ialehkai na ka Lajong ki bym lah ban don bynta ha katei ka jingiakhun pyrshah ia ka Real Kashmir ki kynthup u Phrangki Buam, Damaitphang Lyngdoh, Kenstar Kharshong, Everbrightson Sana Mylliempdah bad Sangti Janai Shianglong.
Namar ka jingdon jong ki hapdeng ka jingmynsaw, ym lah ban tip la kin lah ne em ban ialehkai ha ka jingiakhun ka ban sa long ha la iing pyrshah ia ka Namdhari FC ha ka 23 tarik Nohprah.
Watla ka jingbym lah jonng kine ki rang lehkai ban don bynta ka jingialehkai, ka Lajong ka dang don ia ki nongialehkai kiba tbit kynthup u nonglehkai pdeng Renan Paulino De Souza.
16 tarik yn iadur ka Lajong pyrshah ia ka Real Kashmir ha Srinagar
