SHILLONG: U myntri ka tnad ialehkai ka jylla u bah Shakliar Warjri u la pyntip mynta ka 14 tarik nohprah 2023, ba ha ka Meghalaya Games yn sakhi ruh ia ki jingialehkai tynrai kum ka jingialehkai mawpoint shi bynta ban kyntiew ia ki jingialehkai ba don ha kane ka jylla.
Ka sorkar ka pynlut kumba T.22 klur tam na bynta ka Meghalaya Games 2024 kaban long san sngi ha Tura, West Garo Hills kaban long naduh ka 15-20 tarik Kyllalyngkot 2023 bad kin don 22 tylli ki jait jingialehkai.
Kumba 3000 tam ki nongialehkai ha ki jait jingialehkai bapher bapher kin wan ban iashim bynta na kylleng ka jylla.
U myntri u la ong ba tang namar bym ioh takma ha ka national games dang shen, kam mut ban sangeh noh ban pynlong ne ban pynlut na bynta ki jingialehkai namar ba ha ka jingialehkai, ym lah ban tip lypa ban ioh ne em ia ka takma namar ba hap ban iakhun.
U la pynthikna ba ka jingpynkhreh ia ka Meghalaya Games ka la iaid shaid shaid bad kam don kano kano ka jingthut ha kaba u la leit ban jurip bunsien ban pynthikna ba kan long kaba biang nadong shading.
T. 22 klur tam, yn pynlut ia ka Meghalaya Games, ong u bah Shakliar
