SHILLONG: Ka Shillong Lajong ka la iakhaid bad ka Rajasthan United ha ka jingiakhun kaba la long ha ka janmiet sngi u Blei ha Hyderabad.
Ia ka kol pyniakhaid jong ka Lajong la thep u Daniel Goncalves ha ka 97 minit hadien ba ka Lajong ka la shah thep shwa ha ka 9 minit ha ka Rajasthan United lyngba u Richardson Kwaku Denzell.
Kane ka jingiakhaid ka mut ba ka Lajong kam pat ju shah rem haduh mynta ha kane ka lympung I-League bad ka jingiakamai point ka dang ia beh bad ka Mohammedan Sporting. Ka Lajong ka don mynta ha ka kyrdan basaw kaba kamai 13 point na ki hynniew sien ki jingialehkai, lyngba ka jingjop lai sien bad iakhaid saw sien.
Ka Lajong kan iakhun biang pyrshah ia ka Churchill Brothers na Goa ha ka sngi Balang ka 6 tarik por 2PM ha SSA Stadium, Shillong.
Iakhaid ka Lajong bad ka Rajasthan, poi ha ka kyrdan basaw
