SHILLONG: Ka tamasa Cherry Blossom ha madan Kurkalang, Bhoirymbong ka la tdem thui bad lynguh pum na ka jingsawa ki sur na ki nongrwai napoh kane ka jylla bad kumjuh kiba nabar ri.
Wat ha ka sngi sdang kala don ka jingthut na u slap, hynrei ha ka sngi baar, ka tamasa ka la shongshit thain ha kaba da ki phew hajar ki paidbah kila wan ban sakhi ha kane ka lympung bah ka tamasa kaba la pynlong ka tnad jngohkai ka sorkar jylla.
Ki nongrwai ba pawnam kum u Neyo, Hybrid kila pynthih pynkyrdem bad pynkyrkait ia ki paidbah da ka jingkmen bad shongshit, nalor ki nongrwai na kane ka jylla kum na ka kynhun Snow White, bad kiwei.
Kane ka tamsa ka la lah ban khring ia ki paidbah byllien wat hapdeng ka jingdon kiba pyrshah namar ba la pynkut ha ka sngi u Blei, ha kaba u nongrwai ba pawnam u Ronan Keating un wan ban pynlynguh nalor kiwei ha kane ka sngi kut.
Tdem thui bad khynñiuh ka madan Kurkalang na ki nongrwai
