SHILLONG: Ka nongbah New Delhi ka dei ka jaka shong ki heh ki hain jong ka sorkar pdeng kiba synshar ia ka ri India naduh u President bad kumjuh u Myntri Rangbahduh ka ri hynrei kane ka nongbah ka la pawnam bha ha ka jingjaboh khamtam ka lyer.
Ha ka jingleit sakhi ia ka jingpynlong ia ka World Food Fest kaba la pynlong ha nongbah Delhi, la ioh ban iakren bad ki briew kiba na jylla Meghalaya kiba leit iashim bynta ha katei ka iew pyni nam.
Iwei I kong na shnong Nongtraw kaba hap ha Khadar shnong Block, I la iathuh ba ki la pynpaw ia ka jingbymsngew tynnad khamtam ha kaba iadei bad ka sawdong sawkun bad ka lyer. I la iathuh ba mar ia poi ha Delhi, im sngew lah wat ban ring mynsiem ruh namar ka jingjaboh palat ka lyer.
Ka nongbah Delhi ka shu dum ngui ngui khlem iohi bhai a ka jingphyrnai ka sngi ruh namar ba la jubor ki pum pum bad ki pui pui.
Ki briew na Meghalaya ki la pynpaw ba ka Shillong ka dei ka jaka kaba biang tam namar ka lyer, ka suin bneng, ki sawdong sawkun nalor kiwei ki jingitynnad bad ka jingkhuid.
Wat ban ring mynsiem ruh sngew jynjar ha Delhi, ong I kong na Meghalaya
