SHILLONG: Ka myntri ka tnad ka rep ka riang ka jylla ka Kong Ampareen Lyngdoh mynta ka 1 tarik Naiwieng 2023, ka la kyntu ia ki nongrep ba kin hikai ia ki khun jong ki kiba la nang la stad ba kin leit phai sha ka kam rep, ba kin shim ia ka kam rep kum ka lad ban kamai lyngba ka jingtip bad ka jingstad jong ki.
Ka la ong ba ka juk ban iadie kilo, ban iadie ha ki shang ki kriah, ka la kut bad mynta ka la dei ka por ba ki nongrep kin die ia ki mar rep da ka juk stad khnang ba kin kamai bad riew spah bad ka la kyntu ia ki nongrep ban tip kum ki jait mar rep kiba iaid iew bha bad kumno ban leh, ym ban leh kum ka juk mynnor namar ba ha kane ka juk ka don ka lynti bad ka rukom ban pyniaid sha ki iew ki hat.
Ka la ong ruh ba ka sorkar kan pynshlur ban thung ban tep ia ki mar rep kiba lait na ka sboh dawai hynrei ban pyndonkam da ka sboh mariang, ki bym ktah ia ka jingkoit jingkhiah.
Ki nongrep ki dei ban hikai ia ki khun ban kyntiew ia ka kam rep
