SHILLONG:Hadien ba u MP ka Rajya Sabha, u Dr WR Kharlukhi ban ieh noh ia ka kam president jong ka seng National People’s Party (NPP) Meghalaya, ka party ka bynshet noh ha u Bah Prestone Tynsong, ban shimti ia ka kam kum u president ka party jong kane ka Jylla.
Na ka liang u Dr Kharlukhi u la dep ban aiti ia ka shithi ieh noh kam kum u president kham mynshwa sha u president Rangbah ka NPP, u Conrad K Sangma, hadien ba u la shakri 16 snem kum u nongialam ba hakhmat jong kane ka seng sainpyrthei ba la seng da u Purno A Sangma, bam kwai ha duwar u Blei.
Ia u Bah Prestone la pynbna kum u president da u national president ka NPP, u Conrad K Sangma ha ka jingïalang kaba la long hapoh ka ophis treikam jong ka party. U Bah Prestone udei ruh u national vice president ka NPP bad kumjuh u Symbud Myntri Rangbah ka Jylla.