SHILLONG: Ka tnad Customs ka sorkar India kala synniang 49 tylli ki ding sngi ne solar light sha ki 4 tylli ki shnong kiba kynthup ia ka Mawjrong, Dympep, Laitsohpliah bad Sohrarim.
Kane ka long shi bynta jong ka CBIC Swahhta Action Prokram 2023-24 jong kane ka tnad ka sorkar India.
Ia ka jingialang halor kane, la pynshongkun lyngba ka jingdon lang u Chairman ka CBIC u Sanjay Kumar Agarwal, ryngkat u MLA ka Sohra bah Gavin Mylliemngap bad kiwei.
Haba kren ha kane ka prokram, u Sanjay ula ong ba lyngba kine ki ding sngi, kan ai jingmyntoi ia ki paidbah jong kine ki shnong.
Ka tnad Customs kala pynlut 9 lak tyngka ha kane ka projek.
Ha kajuh ka por, ka tnad Customs kala pynduh ruh ia u kynja ba la ioh kurup hapoh ka jingpeit jong ka Customs Guwahati Zone.
U Sanjay ula kyntu ia ki samla ban kiar na u drok namar ba u pynjot ia ka longïing longsem, ka imlang sahlang bad u ialam sha ki kam runar.
Synniang ding sngi ka tnad Customs ia ki saw shnong
