SHILLONG: Hadien ka jingud jingnam ki khynnah skul bad ki nongshong shnong katei ka thaiñ sha ka Seng Khasi Students Union War Jaintia Circle (KSU) mynta ka sngi ha ka jingdon lang u General Secretary u samla Lurman Talang bad kiwei, ha ka jingsynran lang ki nongIalam napoh ka West Jaintia Hills District Unit General Secy u Samla Leningrad Tariang bad kiwei de ki la jurip ia katei ka skul sorkar bad ha katei ka jingleit jurip la lap ba katei ka skul ka khlem don Nonghikai jong ka sobjek Chemistry.
Ynda la tohkit bniah ka seng ka lap ba ka daw ka jingpynkylla ka sorkar ba ki nonghikai kin hap ban pyndep ia ka B.Ed.
U Nonghikai ba dei peit ia katei ka subjek u la leit ban bteng ia katei ka jingbthah ban pyndep shwa katkum ka kyndon.
Hynrei kaba sngew lyngngoh ka long ba ka sorkar ka khlem lah ban bujli ia katei ka kam wat hadien ba lah dep khot ban thep ia katei ka kam kaba lait. Kaba pynsngew lyngngoh shuh shuh iaka seng ka long ba naduh u bnai Lber kane ka skul ka khlem don Nonghikai jong ka sobjek Chemistry bad ka buh jingeh haduh katta katta ia ki samla pule jong kane ka skul.
Ka Seng ka dap da ki jingsngew bitar haba ka jia kumne ia ki samla pule kiba thrang ban poi sha khmat ha ki Liang baroh, Khamtam lei lei mynta ka lah dei sa ka por ba kin thoh iaka Pre-Selection bad ka Selection bad ruh ban pynkhreh sa kiwei pat ki eksamin.
Na ka Liang ka seng kan iaid buddien bad lada ka sorkar kam lah ban pyndep ia la ka kamram?.
Ka Seng ka la kren shai ba lada kine ki Khynnah pule jong kane ka skul kim lah ban ioh iaka jing hikai kaba biang kumno ka sorkar Kan pyrkhat naka bynta ka jong ki?. Ka sorkar kadei ban shim iaka jing kitkhlieh bad ruh ban wad ki lad ki lynti khnang ba kitei ki samla pule kin ioh iaka jing hikai kaba tikna Shwa ba kin pyn khreh ia lade ban thoh ia ki Eksamin ki jong ki
Naduh u bnai Lber ym don Nonghikai Chemistry ka Sohkha Government HS School
