SHILLONG: Mynta ka sngi 4 tarik Risaw 2023, la lap sa ia ka met jong u shynrang u samla Wanboklang Kurbah na jan ka jaka ba lap ia ka samla Phibankyntiew Sun ha wah Umiam, ha Traw Saitkhlieh, ka jaka ba hap ha shnong Traw, Marbisu.
La lap ia ka met u samla Wanboklang na jaka kaba jngai kumba 1km na jaka kaba lap ia ka met ka samla Phibankyntiew.
La iathuh ba ki pulit ki dang hiar ban leit tam ia ka met jong u samla Wanboklang.
Lah ban kdew ba kine ar ngut kila jah rngai naduh ka 20 tarik Nailur 2023 bad kane ka jinglap ka long hadien 13 sngi.
Kine ki dei na kajuh ka thain bad ki dang leit skul.
Ha kine ki sngi, ki paidbah ka shnong Marbisu bad marjan, bad ki pulit ka Mawngap Police Station kila pyllong ia ka jingwad paidbah kylleng ki jaka katei ka thain hynrei khlem lap dien satia.
Lap sa ia ka met u samla shynrang na kajuh ka thain
