SHILLONG 30, Jymmang: Ka sorkar jylla mynta ka sngi ka la pynbna ba ka jingpang sohkhrut snieh doh ki masi (Lumpy Skin Disease-LSD) ka la ktah ha ki katto katne ki shnong ha Ri-Bhoi bad South West Khasi Hills District.
Kane ka long hadien ba ka la ioh ia ka jingpynthikna na ka National Institute of High Security Animal Disease (NIHSAD) Bhopal ha ka 12 tarik Jymmang 2023.
Khnang ban tehlakam ia kane ka jingpang, ka sorkar ka la pynbna ia ka shnong Sumer, Mawlyngkhung, Umpyrdong-Umden, Umkon-Umden, Saiden-Nongpoh bad ka Jyntru-Nongpoh kiba hap ha Umsning C&RD Block ha Ri-Bhoi District bad ha Rangthong hapoh Mawkyrwat C&RD Block ha South West Khasi Hills District kum ki shnong ba shah ktah ha kane ka jingpang sohkhrut sniewdoh ki masi (LSD).
Ia kane la pyntip u Secretary ka sorkar Meghalaya ba dei peit ia ka tnad AH & Veterinary Department.