Sri Sri Ravi Shankar
Ka India, ka imlang sahlang kaba la rim tam eh ha ka pyrthei bad kaba heh tam bad ka synshar paidbah kaba iar tam ka don ka jingangnud jong ka ‘Sarve Bhavantu Sukhinah’, baroh kilong kiba kmen bad baroh kin jop.
Ha ki 9 snem ba la leit, ka India ka la kiew shaphrang ha kane ka bynta. La lah ban pynurlong ia kane lyngba ka jingdon u Myntri Rangbah duh uba skhem jingmut ryngkat ki sap pyniaid kam kiba khlain, ka jingiai kyrshan jong ki briew bad ka teknoloji katkum ka juk mynta. Kane ka la wanrah jingkyrmen ha ki samla bad ha ki briew ba duk ba suk.
Katba ki Myntri rangbah duh kiba rim ki la kubur ba kito kaba dei ban ioh jingmyntoi ki ioh tang kumba 10% na kaei kaba la mang da ka sorkar na ka bynta jong ki, u Myntri Rangbah duh ba mynta u la pynthikna ba ki nongioh jingmyntoi ki ioh ia ka jingsiew ba pura da kaba plie ia ki bank account bad ka jingphah pisa beit beit sha kine ki account.
Katba ka jingbym ioh kam ioh jam kalong ka jingeh kaba khraw ha kylleng ka pyrthei, la shim ia ki sienjam ban weng ia kane bad la plie ia ki skill centre ym tang ha ki nongbah, hynrei wat ha ki jaka kyndong kynshrot jong ka ri.
Ka burom jong ka jingtrei ka dei kaba la bat ha kaba la pynkup burom da u Myntri Rangbah duh da bun bun sien. Ka jingiapher kaba khraw ha ki jingdon jingem ha ka por kaba lyngkot, ka ieng kum ka dak jong ka India kaba la kiew. Ha ki por ba la leit haba nga leit sha Europe, nga ju iohsngew ia ki jingkren na kiba bun ba ki jingdon jingem bad ka jingsuk ban leit ban wan kum ka Europe kan nym lah ban jia ha India, hynrei la pyni ba baroh kine kilong kiba bakla tang hapoh ka por ba lyngkot.
Ki jingkylla ba kongsan ha kylleng ka pyrthei ha kane ka por kadei kaba jia shisien ha ka spah snem kum ka khlam Covid, ka jingiajied liang jong ki ri ha ki kynhun bapher bapher, ka thma ha ka jaka pdeng jong ka Europe ha kaba la wan ha thma Russia bad Ukraine, ka jingkiew ki jingsngewkhia ba iadei bad ka suin bneng, ka jingkiew dor ha kylleng ka pyrthei bad kaba khatduh, ki jingeh ba iadei bad ka koit ka khia jong ka bor pyrkhat kaba la ktah ia ki briew ha kylleng ka pyrthei.
Katba bun ki sorkar ha Asia kim lah treikam, ka India ka la kiew shaphrang da ka jingstad jong ka bad ki polisi kiba biang na ka bynta ka ioh ka kot kaba khlain bad kaba nang kiew. Ka jingiakren bad kiwei kiwei ki ri ka la wanrah ia ka jingsngewtynnad ia ka India ha kylleng ka pyrthei. Watla ka India ka don kumba 1/6 ka jingdon bun briew ha pyrthei, ym ju iohsngew ia ka sur jong ka India kumba iohsngew mynta. Baroh, ha ka rynsan shabar ri, ka India ka ioh ia ka jaka ba dei jong ka. Ka jingiaroh ka leit sha kane ka sorkar kaba mynta bad ki polisi jong ka. Ka rukom treikam jong ka India ha ka thma Russia – Ukraine, ha kaba ka khlem iashah iano iano na kine ki ar ri, ka la pyni ba ka India ka dei kaba biang bha ban wanrah ia ka jingiasuk ha ka pyrthei. Katba bun ki ri Asia ki la nang troin bad ka jingkiew dor kalong ka jingeh kaba khraw ha kiba bun ki ri kylleng ka pyrthei, ka India ka la pyni ia ka bor iashah kaba khlain bha. Ha ka por jong ka khlam COVID, ka sorkar ka la shim ia ki sienjam ban pynthikna ba ym dei ban don mano mano ruh kiba duh bam.
Hapdeng ka jingkiew ki kam jngoh kai napoh bad nabar ri, ki jaka leit pilkrim ha ka ri kilong kiba jakhlia bad ki jingdon jingem kilong kiba duna bha. Kine ki jaka ki la shah ieh bein ha ki sorkar barim. Ha ki katto katne snem ba la leit, ka jingpynitynnad ba ki jaka kum ka Banaras, Ujjain, Kedarnath, Rishikesh ki la ioh kin nang ioh ki jingiaroh ha ki snem ban wan.
Ka education policy ba thymmai kalong ka jingkylla haba ianujor bad ka jinglong ka pule puthi kaba la rim naduh ka por jong ki phareng kaba long ka dak jong ka jingstad jong ka imlang sahlang kaba mynta. Kalong kaba iarap shisha ia ki samla ki bym hap ban buhrieh shuh ia ka jingstad jong ki bad ki la ioh ia ka lad ban pynpaw ia ka sap jong ki. La kyntiew ia ki sienjam ban kyntiew ia ka jinglong ka pule puthi ha ka ri, bad la pynlong ia ka kaba lah ban ioh da baroh.
La phaikhmat kyrpang bad pynshlur sha ki kam saindur bad ka deiriti. La plie bun ki museum ba thymmai bad baroh ki jait jingsaidur ki la ioh ia ka jaka. Kane ka pyni ia ki lad ba ngi don bad kumno ngi long ka ri jong ki ramhah kiba dang thiah, ki bym pat sngewthuh ia la ka bor.
Watla baroh ki nongialam sain pyrthei bad ki seng ki don ka jingngeit ha ki jinglehniam, kim ju kren shaphang kane. Dei u Myntri Rangbah duh u Modi u bym ju randien ban kubur ia ka bad pynneh ia ka burom ha ka. U la pyni ia kine ki pateng kiba kordor ia kiwei kiwei ki nongialam jong ki ri bapher bapher.
Ka jingkiew shaphrang jong kano kano ka imlang sahlang ka shong ha ka jingskhem jingmut bad ka jingngeit halade jong ki briew. Ka jingpynkup burom ia ki tynrai jong kiwei bad ka deiriti jong kiwei ka lah ban wanrah ka jingngeit halade ha ka imlang sahlang bad ia kane la leh bha khlem kano kano ka jingartatien bad niew shiliang.
Ka thain shatei lammihngi kaba la shah ieh bein la slem bah, ka la iohi mynta ia ki lad kiba bun. Ka jingkylla ha Kashmir bad ka hok ba la ai sha ki longkmie ha kane ka jaka, kadei kaba pynkyndit bynriew bad pyni kumno lah ban weng ia ka jingbakla ba la leh ia la ki jong ki briew. Kane kalong ka jingeh kaba khraw ia kito kiba kynthoh bad kiba don jingartatien.
Bun kim tip, ba u Myntri Rangbah duh u Modi u la ai sngewbha ia ka jingtei ba thymmai jong ka parliament ia ka Afghanistan. La shna ia ka presidential palace ha Nigeria da ka India ha ki katto katne snem ba la leit. Bad mynta, u Myntri Rangbah duh u Modi u la aiti ia ka jingtei ba thymmai jong ka parliament kaba itynnad sha ka ri jong ngi, kaba pyndon burom ia ka riti synshar jong ngi bad ka dustur. La shna ia kane ka jingtei kaba itynnad tang hapoh ka por ba lyngkot.
Watla baroh kim long kiba bha lut, ki don bun ki jingbakla ba la leh kiba lah ban kiar, bad ka kam ka dang bun ha kaba iadei bad ka jingbym ioh kam, ka jingkiew dor ki mar bad kiwei kiwei ki jingeh ha ka imlang sahlang, ka rukom treikam kaba sted jong kane ka Sorkar ban peit ia kine ki jingeh ka dei kaba hap ai jingiaroh bad ka ai mynsiem ia ka lawei kaba phyrnai. Shisha u Modi bad ka kynhun jong u ki donkam por shuh shuh khnang ba ka India kan pynurlong ia la ki jingthrang.