Shillong: U MLA uba dei ruh u nongialam ka BJP u bah AL Hek ula pynma ia ka NPP kaba ialam ia ka sorkar ba ki don bun ki MLA na Garo Hills kiba kwah eh dik dik ban rung sha ka BJP.
Haba kren mynta ka sngi, u bah Hek ula ong ba ki don ki MLA na rilum Garo kiba pynpaw ba ki kwah ban rung sha ka BJP na ki seng sain pyrthei bapher bapher hynrei ki sahkut ha dieng kper namar ba kim kot number ban ioh ban lait na ka ain kyntiap seng ne ka Anti Defection Law namar ba lada ki wan iasoh khlem ioh ia ka jingbun brew katkum ka ain, kin shah mait jinglong MLA.
Ka BJP ka la ioh mynsiem tyngeh hadien ba ka la ioh pdiang 8 ngut ki MLA na ka UDP kiba pyniasoh dang shen.
Hynrei na ka liang u bah Hek, um shym la kwah ban pynpaw ia kita ki MLA kiba kwah ban iasoh sha ka BJP, la ki dei na TMC ne NPP.
Lah ban kdew ba u President ka BJP u Rikman Momin ula kyntait ba kan don kano kano ka jingleit khroh ia ki MLA ka NPP ban iasoh sha ka BJP namar ba baroh ki long shi paralok.