Shillong: Ka All Meghalaya Primary School Teachers Association ka la pynbna ba kan pyllong ia ka jingiaid rally paidbah ha ka 7 tarik mynta u bnai ha Nongbah Shillong.
Na ka liang ka Synjuk ka khot bad ïawer ïa baroh ki nonghikai kiba mynta bad kumjuh ïa kito ki samla kiban sa long ki nonghikai ba kin wan ban ïashim bynta ha katei ka sngi bad ka synjuk kan sa pynshai lut ïa ki mat khamtam ha kaba iadei bad ka order kaba la pynmih ka tnad pule puthi dang shen.
U Babu Louis Lawai bad ka kong CD Synrem kila ong ba kane ka jingïaid paidbah ka long ban dawa ïa ka sorkar ba kan pynneh ïa ki sanction post ha ki Deficit bad Non Government hadien ka jingshongthait ki nonghikai, ban pyndap noh ïa ki kam ba dang lait haduh mynta ha ki government bad ha ki Deficit LP School, ban pyntreikam ïa ka Government PRAN, ban pyllait noh ïa ki nonghikai skul Primary na ka kam BLO, ban pynduh noh ïa katto katne ka order kaba la dep pynmih ha ka 27 tarik Naitung 2026.
Ka jingïaid paidbah hangne ha Nongbah Shillong kan sdang na Golflinnk, Pynthorumkhrah, ter ter sha Polo, Sawfurlong bad yn pynkut biang ha kajuh ka jaka.
Kiban sa long nonghikai, ia wan iaid rally lang, wer ki nonghikai LP skul
