Shillong: Ka Khyndai Lad ka dei ka jaka kaba bun briew tam bad ka iew kaba heh tam ha ka jylla, kaba don hapdeng ka Shillong.
Ha kine ki snem ba la leit, ka sorkar ka la iakhun tyngeh ban pynkyniah noh ia ki nongdie madan napdeng lynti ha katei ka jaka da kaba thep sha khrum ka MUDA bad kane ka la pyllait ia ka jingkiwkiw kaw kaw bad biw biw baw baw bad ka la pynioh lad ia ki nongleit nongwan ban iaid aram bha jai da ka jingsuk khlem da donkam shuh ban kiar sha diang sha mon.
Ka sorkar ka ju sngew sarong ruh ban pyllong ia ka Khyndai Lad kum ka jaka pyni rong sha ki nongwei kum ka jaka kaba itynnad, kaba khuid bad kaba ryngkat dor bad kiwei ki nongbah namar ba kiba nabar shisien ba ki wan sha Meghalaya ne ha Shillong, ka Khyndai Lad ka dei ka jaka ka bym lah laid satia.
Hynrei la I lehrain ia ki nongwei ba ka Khyndai Lad, ka la long kum u briew ba phong jain pei thliew namar ba ka lynti iaid ha Khyndai Lad kaba la siang bha da ki maw tile, ka la ngam, ka la khoh, kila pait bad pra ha kiba bun ki jaka.
Ha ka jingshisha, ka jingdon ki nongsar ka la kham biang ka jingkhuid laba la iarap ban lait na ka jingijaboh katei ka kad khaii kaba heh tam ha ka jylla.
Hynrei ka jingsniew ka lynti iaid, kaba lah ban dei na ka jingiaid ki kali heh, ka la pynsniew dur ia katei ka jaka bad ka long kum ka dur sohkhruh.
Ka la don ka jingkren ki briew ba lada ka Khyndai Lad kaba don hapdeng ka sor, kaba wat ki MLA, ki minister, ki ophisar ki iaid man ka por, kumno lei kin iohi ia ki jingeh ki paidbah sha nongkyndong
Sohkhruh dur bad pait pdang ka lynti ha Khyndai Lad, I lehrain ha ki nongwei
