Shillong: Ka Synjuk ki contractor hapoh ka lama ka Khasi Jaiñtia Government Contractor and Supplier Association (KJGC&SA) kila khie bitar lep ia kane ka sorkar kaba kuman ia ka jingeh jongki, bad ka pynbor ia ki briew ban hap mih sha surok ban dawa ia ki hok jongki.
Hadien ka jingialang mynta ka sngi, ki kontraktor kila rai ban leit ujor noh sha ka kashari halor ka jingbym pyllait ia ka bill jong ki jingtrei jong ka skhim sam sum ka Jal Jeevan Mission (JJM) la bun snem.
U Working President ka seng u Bah FB Ramsiej ula ong ba ka Synjuk ka la pynrem jur ia ka jingkren u myntri halor ka projek sam um ha New Shillong kaba 860 tyngka, u la ong ba ka seng ka dawa na u myntri ba un panmab ia ka jingkren pynhiar dor ia ki kontraktor ka jylla bad ka la dawa ba dei ban phiah ia kane ka skhim ban ioh lang kiwei pat ki kontraktor ban pyntreikam, ym ban shu ai kyllum beit ha ki kompeni kiba nabar.
Dawa panmab ki kontraktor na u myntri PHE, shim khia ka sorkar tang haba mih surok, ong ki kontraktor
