Shillong: U MLA ka Nongkrem u bah Ardent M Basaiawmoit ula rah ia ki jingeh jong ki paidbah ha khappud ka Meghalaya bad ka Assam hapoh ka dorbar mynta ka sngi.
Haba wanrah ia kane ka mat, u bah Ardent ula ong ba ki paidbah basah ha khappud kynthup ha Lapangab ha West Jaintia, Mawsikar ha West Khasi ki ju shah pyndik ir shi ir ha ki briew na Assam ha ka rep ka riang bad ka jaka puta jongki.
Ula buh 6 tylli ki mat ha ka sorkar kynthup ban leit sorjamin ha Mawsikar, Langpih ban kdew ia ki jaka kiba wan thaw shnong thymmai bad ki jingtei ba dang shu mih, dei ban pynthikna biang por ia ka jinglong trai halor ka khyndew ha ki jaka kham syier, ym dei ban shah ban tei eiei thymmai kat bym pat pynbeit ia u pud u sam, pynbiang pahara pura ha Lapangab, dei ban buria ia ka jingjulor ki mar rep bad dei ban don ka jingpeitngor kaba tista da ki bor sorkar ryngkat ki bor shnong.
U la ong ba ym lah ban pyllong langknia ki briew ha khappud na ka daw ka jingiakajia pud.
Ym lah ban pynbeit pud ha kamra, dei ha madan, rah u bah Ardent ha dorbar
