Shillong: U myntri rangbah ka jylla u Conrad K Sangma ula shniah Jiang ia ka Voice of the People Party (VPP) haba jubab halor ka jingiatai kaba la wanrah u MLA ka Nongkrem bah Ardent M Basaiawmoit halor 10 tylli ki mat ka VPP hapoh ka iing dorbar mynta ka sngi.
Haba jubab ia ka jingiatai, u Conrad ula sieh ia ka VPP ba katba ka hylla ban iada ia ka khyndew ka shyiap bad ban burom ia ki dorbar shnong, dorbar hima, bad ia ki paidbah hynrei ha KHADC ba ka VPP ka synshar, kala wanrah ia ka jingpynkylla ia ka KHADC Land Amendment Bill 2026, ha kaba la pynduh pyndam pynban ia ki dorbar shnong, dorbar hima, dorbar Raid.
Ula ong ba katba ka VPP ka dawa ia ka sorkar ba kan burom ia ki paidbah, na ka liang ka sorkar ka kylla kylla na ka VPP ba kan leh ia ka kam, kumba ka kren.
Ha kajuh ka por, u Conrad ula pynshai ruh ia ki 10 tylli ki mat ba u bah Ardent ula rah hapoh ka ing dorbar naduh ka thungkam thungjam ha MPSC, DSC, ka mariang, ki karkhana coke bad dewbilat, ka jingpynkhlain ia ka jingpahara ha khappud, ka jingkyndang ia ki briew kiba rung beain, ka jingkhang dewiong bad kiwei.