Shillong: Ka bor district ka East Khasi Hills ka la pynjur ia ka jingpahara ha ka thain Lum Survey kaba la jubor ka jingkynrei u drok khnang ban khang lad ia ki kam runar.
U Deputy Commissioner ka East Khasi Hills u Abhilash Baranwal ha kane ka sngi Nyngkong ula leit jurip ia katei ka jaka ryngkat u Superintendent of Police bah Vivek Syiem, Additional Deputy Commissioner bah Shanborlang Warjri, CEO ka Cantonment Board, bad ki ophisar na ka MeECL bad kiwei.
Ka bor district ka la pynkhreh ban pynjur ia ka bor pahara ha katei ka jaka bad ban pyndait kor CCTV ruh sawdong ban peitngor ia ka jinglong jingman ka jaka na ka jingshim kabu ki runar.
La lum jingtip bniah ruh ia ki briew kiba sah ha katei ka jaka da u Deputy Labour Commissioner bad ki briew ka Anti-Infiltration ban pynshisha ia ki briew kiba don ha katei ka jaka ryngkat ki kot ki sla.
U DC ula ong ba ka bor district kam lah ban shu leit kyndang noh mar mar namar ba katei ka jaka ka dei jong ka Cantonment Board bad ka dang don ruh ha ka iing Kashari High Court.
Ka bor district ka la bthah ia ka MeECL ban ai ia ka kaiphod halor ka jingkynnoh ba la shah tuh ka bording ha katei ka jaka.
Ka kylla ktem drok ka Lum Survey, phah bor pahara u DC ban khang lad ia ki kam runar
